Ang kapangyarihan ng wika wika ng kapangyarihan posts

Ruth Barcellano Viray Happy Teacher's Month,
Joselito D. Delos Reyes
ANG WIKA NG PHYSICS Siya si Miss Adriano. Laging mahigpit na nakapusod ang buhok. Medyo taghiyawatin at bilugan ang mukha. Kapag bumuka ang bibig niya sa pagsasalita o miminsang pagngiti, mababanaagan ang ginto yata niya sa ngipin. O maaaring stainl Read more ... ess na hugpungan ng pustiso. Napaka-sinister ng hitsura niya. Isama pa ang bali-balitang masungit daw siya sa klase. Bagay na nakapagpakaba sa akin nang tumuntong ako sa fourth year. Lalo na kung maririnig mo ang mataginting niyang boses. Parang laging sasabak sa declamation contest kapag Linggo ng Wika. Nagturo siya sa aming klase ng Physics noon sa Valenzuela Municipal High School Polo Annex. Parang ganito siya magturo: “May isang kotse na pupunta sa kaniyang destinasyon. Matapos siyang mag-accelerate ng ___ at nagkaroon ng speed na ____, palagay ninyo, gaano niya katagal narating ang kaniyang destinasyon kung hindi isasaalang-alang ang bilis ng hangin o kung nasa vacuum ito?” “Gaano kalakas ang centrifugal force kung ang acceleration ng kotse ay ganito ____ sa isang oval shaped na palikong daan na may radius na _____ tulad halimbawa ng daan sa zigzag sa Baguio.” “Gaano kabilis mararating ng LRT ang 5th Avenue Station mula Monumento kung ang acceleration ay ____ na tumagal ng limang segundo at matapos ito, ang speed o bilis naman ay _____ at kapag narating na ang huling tatlong daang metro ay may deceleration na ____ ?” Hindi mo aakalaing Physics ang kaniyang itinuturo sa tatas niyang mag-Filipino. Kumpleto sa drowing ang blackboard (kahit pa laging mukhang kotseng kuba ang kaniyang iginuguhit). Tapos magkukuwenta ako kung ano ang hinahanap na figure. Nalibang ako nang husto noon sa mistulang pagde-decode at paghahanap ng clue sa isang palaisipan o puzzle. Nakukuha ko naman agad ang mga numerong ipinahahanap niya. Masakit din siyang magsalita minsan. Lalo na kung hindi namin agad nakukuha ang nais niyang iparating sa klase. Pero naroon na ang galing ng kaniyang biswal na paglalarawan ng mga nangyayari sa Physics gamit ang sariling wika. Sa kabila nito, napakarelaks niyang magturo. May gigil pero hindi mo ito mababakas sa kaniyang maginhawang paraan para unawain ang komplikadong leksyon. Talagang ganoon siya magsalita kahit nasa labas na ng klase. Parang laging lalaban ng deklamasyon. Siya ang coach ko sa Physics Olympiad noong 1993. Lumaban kami sa Kalookan matapos ang halos isang buwan ng pagsasanay tuwing hapon matapos ang klase. Binigyan niya ako ng pagkakataon bilang, ehem, team captain, na piliin ang makakasama ko sa pangkat. Pinili ko ang dalawang pinakamagagaling. Pero dahil apat dapat ang bubuo sa pangkat, pinili ko ang crush ko noon (na honor student din naman, hi hi, kiri). Olats kami sa Physics Olympiad. Olats lalo ako sa lagnat-laking dulot ng letsugas na crush-crush na iyan (inuna ko kasi ang landi). Hindi niya ito alam pero isa siya sa dahilan kung bakit ako nakakita ng kapirasong pangitain na pwede akong maging titser, hindi man Physics. Iyong galing at bisa ng kaniyang paraan, iyong malinaw niyang paglalarawan ng mga bagay-bagay. Iyong mataginting niyang tinig. Lalo na iyong gaan niyang gumamit ng sariling wika upang maunawaan ko ang kapangyarihan ng mga puwersa (puwersa ng Physics at puwersa ng pag-ibig, lantod ko talaga, hi hi hi). Kay Miss Adriano ko hinuhugot ang sentimyento kong hindi dapat balewalain ang sabjek na Filipino sa lahat ng antas. Kay Miss Adriano ko nakuha ang kaibig-ibig na pagkamulat sa puwersa ng mundo, tulad ng pag-ibig. Dahil tandaan, Physics teacher si Angela, ang singkit kong asawa. At siya nga pala, Teachers Month din daw ngayon.
1 hour ago
More ang kapangyarihan ng wika wika ng kapangyarihan posts »

Ang kapangyarihan ng wika wika ng kapangyarihan news

Flame of Recca
Isa siyang magaan, masaya at maliwanag na presensya sa mga taong nakapaligid sa kanya. Sa kanyang mga magulang, na dumulog at namanata kay Sto. Niño para sa kalusugan niya. Sa kanyang ate, na lubos ang suporta sa kanya mula pagiging aktibista hanggang pamumundok. Sa kanyang mga batchmates sa Manila Science High School, na noong pabiro [...]
19 days ago
Pnoy, posibleng humingi na ng emergency powers para maibsan ang power crisis sa 2015 - DOE
Seryoso na ngayong kinokonsidera ni Pangulong Benigno Aquino III ang paghingi sa Kongreso ng emergency powers para maibsan ang krisis sa kuryente sa 2015 sa gitna ng matamlay na tugon ng pribadong sektor sa pakiusap ng Department of Energy na magsagawa ng Interruptible Load Program (ILP).
25 days ago
More ang kapangyarihan ng wika wika ng kapangyarihan news »

Ang kapangyarihan ng wika wika ng kapangyarihan videos

No videos about ang kapangyarihan ng wika wika ng kapangyarihan